“Ikkis” (ඉක්කිස් – තේරුම ‘විසිඑක’) කියන්නේ 2026 ජනවාරි 01 වෙනිදා තිරගත වීම ආරම්භ කරපු, සත්ය කතාවක් පාදක කරගත්තු බොලිවුඩ් යුධ චිත්රපටයක්. Andhadhun වගේ ජනප්රිය චිත්රපට අධ්යක්ෂණය කරපු ජාතික සම්මානලාභී අධ්යක්ෂක Sriram Raghavan ගේ වෙනස්ම විදියේ හැඟීම්බර නිර්මාණයක් විදියට මේක හඳුන්වන්න පුළුවන්. මේ කතාව ගෙතෙන්නේ 1971 ඉන්දු-පාකිස්ථාන යුද්ධයේදී වයස අවුරුදු 21ක් වගේ ඉතාමත් තරුණ වයසකදී සටන් කරලා දිවි පිදූ Second Lieutenant අරුන් ඛේටර්පාල්ගේ වීරෝදාර ජීවිත කතාව වටායි. ඔහුගේ මේ වීරත්වය වෙනුවෙන් ඉන්දියාවේ ඉහළම හමුදා ගෞරව සම්මානය වන ‘පරම් වීර් චක්ර’ සම්මානය ඔහුට මරණින් මතු හිමිවුණා. චිත්රපටය ප්රධාන වශයෙන් කාල වකවානු දෙකක් ඔස්සේ ගලාගෙන යනවා: 1971 යුධ සමය: අරුන්ගේ තරුණ කාලය සහ ඔහු සතුරු ටැංකි ගණනාවක් විනාශ කරමින් යුධ පිටියේ දක්වන අභීත දස්කම්. වසර 30කට පසු: අරුන්ගේ පියා වන බ්රිගේඩියර් මදන් ලාල්, තමන්ගේ පුතාගේ අවසන් දවස් ගැන තොරතුරු හොයන්න සහ යුද්ධයේ නිරර්ථක බව තේරුම් ගන්න පාකිස්ථානයට කරන සංවේදී ගමන. නළු නිළියන් Agastya Nanda: අරුන් ඛේටර්පාල් ලෙස ප්රධාන චරිතයට පණ පොවයි. Dharmendra: බොලිවුඩ් සිනමාවේ දැවැන්තයෙකු වන ප්රවීණ නළු ධර්මේන්ද්රගේ අවසන් සිනමා රංගනය මෙය වීම විශේෂත්වයක්. ඔහු මෙහි අරුන්ගේ පියාගේ චරිතය නිරූපණය කරනවා. Jaideep Ahlawat සහ Simar Bhatia මෙහි සෙසු ප්රධාන චරිත සඳහා රංගනයෙන් දායක වෙනවා. Maddock Films වෙනුවෙන් දිනේෂ් විජාන් විසින් මෙය නිෂ්පාදනය කර ඇති අතර, ජනප්රිය ගායක අරිජිත් සිං ඇතුළු පිරිස මෙහි පසුබිම් ගායනයෙන් දායක වෙලා තියෙනවා.
